కౌటాల (మన సమాజం ఎక్ష్ప్రెస్స్) నవంబర్ 10
కొమురం భీం ఆసిఫాబాద్ జిల్లా మండలంలో విద్యుత్ షార్ట్ సర్క్యూట్ కారణంగా ఇల్లు దగ్ధమైంది. పార్డి గ్రామంలో కొండగుర్లే కరిష్మ ఇంట్లో జరిగిన ఈ ఘటనలో విలువైన వస్తువులు కాలి బూడిదయ్యాయి. స్థానికుల సకాలంలో స్పందించడంతో పెను ప్రమాదం తప్పింది.
కొమురం భీం ఆసిఫాబాద్ జిల్లా మండలంలో విద్యుత్ షార్ట్ సర్క్యూట్ కారణంగా ఇల్లు దగ్ధమై తీవ్ర ఆస్తి నష్టం వాటిల్లిన ఘటన చోటుచేసుకుంది. మండల పరిధిలోని పార్డి గ్రామానికి చెందిన కొండగుర్లే కరిష్మ ఇంట్లో ఈ ప్రమాదం సంభవించింది.
విద్యుత్ షార్ట్ సర్క్యూట్ కారణంగా ఒక్కసారిగా మంటలు చెలరేగాయి. క్షణాల్లోనే మంటలు ఇల్లంతా వ్యాపించడంతో ఇంట్లోని నిత్యావసర సరుకులు, గృహోపకరణాలు పూర్తిగా కాలి బూడిదయ్యాయి. ఈ ప్రమాదంలో తులం బంగారం, పది గ్రాముల వెండి, కొంత నగదుతో పాటు విలువైన సామగ్రి అగ్నికి ఆహుతయ్యాయని బాధితులు ఆవేదన వ్యక్తం చేశారు.
ప్రమాదాన్ని గమనించిన స్థానికులు వెంటనే స్పందించి మంటలను ఆర్పివేశారు. అయితే అప్పటికే ఇల్లంతా కాలిపోవడంతో సర్వం కోల్పోయిన బాధిత కుటుంబం తీవ్ర ఆందోళనకు గురైంది.
