జాతీయ రహదారిపై అక్రమ షెడ్లు: సర్పంచ్ భర్తపై స్థానికుల ఆరోపణలు

నిరుపేద మహిళ షెడ్డు తొలగింపు

ఇటీవల కత్తరశాలకు చెందిన ఓ మహిళ అదే ప్రాంగణంలో షెడ్డు ఏర్పాటు చేసుకుని మొక్కజొన్న పొత్తులు అమ్ముకుంటూ జీవనం సాగిస్తుండగా, రాత్రికి రాత్రే ఆమె షెడ్డును తొలగించి సామాగ్రిని ధ్వంసం చేశారు. దీనితో సర్పంచ్ తీరుపై స్థానిక కాంగ్రెస్ నేతలు ఆగ్రహం వ్యక్తం చేసి, నిరుపేద మహిళకు అండగా నిలిచి సర్పంచ్ తీరును మార్చుకోవాలని హెచ్చరించారు.

అయినప్పటికీ, వారి మాటలను ఏ మాత్రం పట్టించుకోని సర్పంచ్ భర్త జాతీయ రహదారిపై షెడ్లు ఏర్పాటు చేస్తూ అద్దెలు వసూలు చేస్తున్నట్లు ఆరోపణలు వెల్లువెత్తుతున్నాయి. అధికారపార్టీ నాయకుడి ముసుగులో జాతీయ రహదారిని కబ్జా చేస్తూ, అక్రమ షెడ్ల నిర్మాణం చేపడుతూ చిరు వ్యాపారులను ఇబ్బందులకు గురి చేస్తున్న సర్పంచ్ భర్త వ్యవహారం సమంజసం కాదని, ప్రమాదాలకు నిలయంగా పేరున్న జాతీయ రహదారి చౌరస్తాలో ఆయన ఏర్పాటు చేసిన అక్రమ షెడ్లను తొలగించాలని స్థానికులు డిమాండ్ చేస్తున్నారు.